Apr 11, 2013

SNACKS ON THE MOVE


நம்ம ஊர் ஹோட்டல்களில் எப்படி எல்லாம் டுபாக்கூர் வேலை நடக்குது

நம்ம ஊர் ஹோட்டல்களில் எப்படி எல்லாம் டுபாக்கூர் வேலை நடக்குது என்று அந்தக் கடைக்காரர்களிடமே போட்டு வாங்கிய தகவல்கள்...
இட்லி: பொதுவா இட்லி மெத்துனு இருக்கணும்னா, ஒரு டம்ளர் இட்லி அரிசிக்கு கால் டம்ளர் உளுந்து தேவை. இரண்டையும் தனித்தனியா ஊறவெச்சு, தனித்தனியாதான் அரைக்கணும். அஞ்சு மணி நேரம் புளிக்கவெச்சு, சுட்டீங்கன்னா பஞ்சு மாதிரி இட்லி தயார். ஆனா, என்ன நடக்குது இங்க? கடை இட்லி அரிசி கால் பங்கு, ரேசன் அரிசி முக்கால் பங்கு, உளுந்து கால் பங்கு, ஜவ்வரிசி முக்கால் பங்கு, நைட்டு ஊறவெச்ச பழைய சாதம் கொஞ்சம், சோடா உப்பு எக்கச்சக்கமா... எல்லாத்தையும் அரைச்சு, மூணு மணி நேரம் வெயில்ல வெச்சுட்டு எடுத்து சுட்டால், கும்முன்னு குஷ்பு இட்லி தயார். அந்த இட்லியும் மீந்துருச்சின்னா, அப்பவும் பிரச்னை இல்லை. அடுத்த நாள் அரைக்கிற மாவுல மீந்துபோன இட்லியைப் போட்டு அரைச்சிடுவாங்க!

சோறு: தரமான சோறுன்னா, சோத்துப் பருக்கையை விரலில் வெச்சு மசிச்சா மை மாதிரி மசியணும். அப்பதான் அது வயித்துக்கு ஒண்ணும் செய்யாது. அப்படி இருந்தா கஸ்டமர்ஸ் நிறைய சாப்பிடுவாங்களே... அதுக்காகத்தான் பெரும்பாலான ஹோட்டல்ல முக்காப் பதத்துல சாதத்தை எடுத்துடுவாங்க. சாதம் பளிச்சுனு வெண்மையா இருக்கவும், லேட் ஆனாலும் காய்ஞ்சு போகாமல் இருக்கவும் சாதம் வேகும்போதே சுண்ணாம்புக் கல்லைத் துணியில் கட்டி சாதத்தில் போட்டுடுவாங்க. அன்லிமிட்டட்னு அகலமா போர்டுல எழுதி இருந்தாலும், இந்தச் சோற்றைக் குறிப்பிட்ட அளவுக்கு மேல நீங்க சாப்பிடவே முடியாது!

புரோட்டா: பல ரோட்டுக் கடை ஹோட்டல்கள்ல மைதா மாவோட சோடா உப்பு கலந்து, அதுல கழிவு டால்டாவை ஒரு பங்கு மாவுக்குக் கால் பங்கு டால்டா கணக்குல (ஹோட்டலுக்குன்னே விக்கிற மலிவு விலை டால்டா!) கலந்து அடிச்சு அரை மணி நேரத்துல புரோட்டா சுடுவாங்க. புரோட்டா சும்மா பூ கணக்கா பொலபொலன்னு உதிரும். ஆனா, அத்தனையும் போங்கு புரோட்டா!

சால்னா : சிக்கன் கடையில் பொதுவா நாம கொழுப்பு, ஈரல், குடல், தலை, தோல், இதெல்லாம் வாங்க மாட்டோம். அதேபோல மட்டன் கடையில குடலோட சேர்ந்து இருக்கிற ஒட்டுக்கொழுப்பு, ஒட்டுக்குடல் வாங்க மாட்டோம். இதை எல்லாம் தூக்கிப்போடாம ஓரமாக் குவிச்சுவெச்சிருப்பாங்க. பழக்கமான கடைக்காரரா இருந்தா விசாரிச்சுப் பாருங்க. 'ஹோட்டல்காரங்க மொத்தமா வாங்கிட்டுப் போயிடுவாங்க’னு அவரும் யதார்த்தமா சொல்லிடுவார். அரைக் கிலோ கறியோட இதை எல்லாத்தையும் ஒட்டு மொத்தமாப் போட்டு தூக்கலா கறி மசாலா, மிளகாய்த் தூள், கொத்தமல்லித்தூள், கொஞ்சம் மரத்தூள் அல்லது குதிரை சாணத்தூள் கலந்து, அஞ்சு ஸ்பூன் அஜினாமோட்டா கலந்து கொதிக்கவெச்சா அரை அண்டா நிறைய திக்கான சால்னா ரெடி!

ஒரு முக்கியமான எச்சரிக்கைங்க... தலையே போனாலும் சரி, (ரோட்டுக்)கடைகள்ல தலைக்கறி மட்டும் சாப்பிடாதீங்க. பொதுவாகவே செம்மறி ஆட்டோட தலையில புழுக்கள் இருக்கும். இது இயற்கையான விஷயம்தான். வீடுகளுக்கு வாங்குறப்ப பெரும்பாலும் வெள்ளாட்டுத் தலை தான் வாங்குவோம். செம்மறி ஆட்டுத் தலை வாங்கினாலும் கடைக்காரரு நம்ம கண்ணுல படாம தலையைக் கொதிக்கிற தண்ணில போட்டுட்டு, அப்புறம் அதை எடுத்து தரையில தட்டோ தட்டுன்னு தட்டி புழுவை எல்லாத்தையும் கொட்டிட்டுதான் மேலேயே எடுத்து வைப்பாங்க. அதை வீட்டுக்கு வாங்கிட்டுப்போய் நல்லா சுத்தம் பண்ணி சாப்பிடுவோம். ஆனா, மொத்தமா ஹோட்டலுக்கு விக்கிறப்ப எல்லாம் செம்மறி ஆட்டுத் தலையை இப்படி சுத்தம் பண்ண மாட்டாங்க. அப்படியே கைமாதான்.

எல்லாத்தையும்விட முக்கியம், ஹோட்டல்களுக்கு சப்ளை செய்யறதுக்குனே பஜாரில் மளிகைப் பொருட்கள் குறைஞ்ச விலைக்கு கிடைக்குது. எல்லாமே கலப் படம். பாலீஷ் செய்யப்பட்ட இலவச ரேசன் அரிசியோட பொன்னி அரிசி கலந்து விக்கிறாங்க. உடைஞ்ச கழிவுப் பருப்பு, கேசரிப் பருப்பைத் துவரம் பருப்புடன் கலக்கிறாங்க. மிளகாய்த் தூள், கொத்தமல்லித் தூள், டீத்தூளோட மரத் தூள், குதிரை சாணத்தையும் கலக் கிறது எல்லாம் சகஜமப்பா. நெய், எண்ணெய் வகைகளோட பன்றி, மாட்டுக் கொழுப்பு, வனஸ்பதி மற்றும் நாள்பட்ட கழிவு எண்ணெயையும் கலப்பாங்க.

சாதாரண ஹோட்டல் களிலும் கையேந்தி பவன் களிலேயுமே இப்படின்னா டாஸ்மாக் பார் பத்திச் சொல்லவே வேணாம். அதிலும் குறிப்பா, சென்னை பேச்சுலர் பாய்ஸ் ரொம்பக் கவனமா இருக் கணும்!

தகவல்: டி.எல்.சஞ்சீவ்குமார் @ விகடன் டைம்பாஸ்

குளிர்ச்சி தரும் அதிர்ச்சி

பகலில் சுட்டெரிக்கும் வெயில்...! மண்டையைப் பிளக்கிறது...! அதன் பாதிப்பு இரவிலும் நீடிக்கிறது. "வெயில் என்றால் வேலூர்'தான் என்பார்கள். ஆனால், இப்போது வேலூரைக் காட்டிலும் மற்ற நகரங்களில்தான் 100-க்கும் மேற்பட்ட டிகிரியைத் தாண்டி வெயில் கொளுத்துகிறது. இது நாளுக்குநாள் அதிகரித்துக் கொண்டேதான் செல்கிறது. கடந்தாண்டைக் காட்டிலும் இந்தாண்டு கோடைப் பருவம் மார்ச் மாதக் கடைசியிலேயே தொடங்கி மக்களை வாட்டி வதைக்கிறது.
இக் காலகட்டத்தில் நமது உடல் வெப்ப நிலையில் மாற்றம் ஏற்படுவது வழக்கமானதுதான். உடலின் செயல்பாடுகளிலும் அவ்வப்போது மாற்றம் ஏற்படும். குறிப்பாக, அளவுக்கு அதிகமாக தாகம் ஏற்படும், வெப்பம் அதிகரிக்கும், வழக்கத்தைவிட அதிகமான அளவு வியர்வை வெளியேறும்; இதனால் உடல் சோர்வடையும். இவற்றைப் போக்க நாம் தேடிப் போவது குளிர்ந்த காற்று, குளிர்ந்த தண்ணீர், குளிர்பானங்களாகத்தான் இருக்கும்.
முதலில், குளிர்ந்த காற்றுக்காக ஏர்-கூலர் அல்லது ஏ.சி.யை நாடிச்செல்கிறோம். இந்தக் காற்றில் பரவிவரும் கண்ணுக்குப் புலப்படாத தூசிகள் பற்றி நாம் யோசிப்பதில்லை. நம்முடைய வீடுகளில் இந்த வசதி இல்லாவிட்டால், பணம் போனால் போகட்டும் என்று குளிர்சாதன திரையரங்கிற்குச் சென்று நேரத்தைக் கழிக்கிறோம்.
குளிர்ந்த நீருக்காக, நீரின் இயல்பு நிலையைக் குளிர்விக்கும்போது அதன் மூலக்கூறுகள் மிக நெருக்கம் அடைந்து, தன்னுடைய ஆற்றலை வெளியேற்றிவிடுகிறது. இதையடுத்து, அந்த குளிர்ந்த நீரை நாம் பருகும்போது உடல் உள் உறுப்புகள் தன்னுடயை அதிகப்படியான ஆற்றலைச் செலவழித்து, அந்த குளிர்ந்த நீரை இயல்புநிலைக்குக் கொண்டுவர முயல்கின்றன. அப்போது நமக்கு தாகம் எடுப்பது குறைகிறது. இதனால் உடலின் வெப்ப நிலையில் மாற்றம் ஏற்பட்டு ஜலதோஷம், இருமல், காய்ச்சல், வயிற்று வலி, தொண்டையில் பாதிப்பு போன்றவை ஏற்படுகின்றன. இதனால் குழந்தைகள்தான் அதிகளவு பாதிக்கப்படுகின்றனர்.
இறுதியாக, குளிர்பானங்களைத் தேடிப்பிடித்து பருகும் நாம், அவை எவ்வாறு தயாரிக்கப்படுகின்றன என்று யோசித்துப் பார்ப்பதில்லை. அந்த அளவுக்குத் தாகம் நமக்கு.
குளிர்பானங்கள் தயாரிப்பில் குளுக்கோஸ் (சர்க்கரை மாவு), பிரக்டோஸ், காபின், கலருக்கான ரசாயனம் போன்ற மூலப் பொருள்கள் கலக்கப்படுகின்றன. அதைக் கண்ணாடி, அல்லது பிளாஸ்டிக் பாட்டிலில் அடைக்கும்முன் "கேஸ்' நிரப்பப்படுகிறது. இதுவும் வாயுநிலையிலான ஒரு வகை ரசாயனம்தான். இவை அனைத்தும் உடலுக்குள் செல்லும்போது, உடலில் உள்ள பொட்டாசியத்தின் அளவு குறைகிறது. இதனால் உடல் தசைகள் வலுவிழப்பதோடு, சிறுநீரகத்தையும் பாதிக்கிறது.
குளிர்பானங்களையே கண்டிராத நம் முன்னோர்கள் கோடையினால் ஏற்படும் சோர்வுக்கு மோர், இளநீர், பானகம் அல்லது பழைய சாதத்தில் ஊற்றிய நீர் ஆகியவற்றைத்தானே நாடிச் சென்றனர். இதனால் அவர்களுக்கு எவ்விதத் தீங்கும் ஏற்பட்டதாகத் தெரியவில்லை.
குளிர் பானங்கள் வருவதற்கு முன்னால் கோலி சோடாவும் கலரும் கொஞ்ச காலம் நம்மை ஆட்சி செய்தன. அவற்றால் அவ்வளவாகத் தீமைகள் ஏற்பட்டுவிடவில்லை.
குளிர்பானங்கள் அருந்துவதால் உடலுக்குக் கெடுதல் எனத் தெரிந்தும், கலர் கலராய் காட்சியளிக்கும் குளிர்பானங்களை அவரவர் தகுதிக்கேற்ப தேர்ந்தெடுத்து அருந்துவதை பெருமையாகக் கருதுகின்றனர். வீட்டிற்கு விருந்தாளிகள் வந்தால் குளிர்பானங்களை வாங்கிக் கொடுத்து உபசரிக்கிறோம். குழந்தைகளுக்கும் கொடுத்து சிறிய வயதிலேயே நோய்க்குள் கொண்டு வருகிறோம். இதிலும் சிலர், வயிற்று வலி ஏற்பட்டால் "கருப்புக் கலர் வாங்கிக் குடி' என்பார்கள். இதை அறியாமை என்றுதான் கூறவேண்டும்.
அடிக்கடி குளிர்பானங்கள் குடித்தால் உடல் பலவீனமடைவதோடு, நீரிழிவு நோய் பாதிப்பு ஏற்பட்டு, உடல் உறுப்புகள்கூட செயலிழக்கலாம் என்று மருத்துவர்கள் எச்சரிக்கின்றனர். இதைவிட அதிர்ச்சியான தகவல் வெளியாகியுள்ளது.
குளிர்பானங்களை வரம்பின்றி அருந்துவதால் உலகம் முழுவதும் ஆண்டுக்கு 1.8 லட்சம் பேர் உயிரிழப்பதாகவும், இவற்றால் ஏற்படும் நீரிழிவு நோயால் ஆண்டுதோறும் 1.33 லட்சம் பேரும், இதய நோயால் 44 ஆயிரம் பேரும், புற்று நோயால் 6 ஆயிரம் பேரும் உயிரிழப்பதாக ஆய்வில் தெரியவந்துள்ளது. உடல் எடை அதிகரிப்பதற்குக் குளிர்பானங்கள் முக்கியக் காரணியாக அமைகின்றன.
""அதிக அளவில் குளிர்பானம் அருந்தி உயிரிழப்பவர்களில் 78 சதவீதம் பேர் குறைவான, நடுத்தர வருமானம் உள்ள நாடுகளைச் சேர்ந்தவர்கள் ஆவர். அமெரிக்காவில் கடந்த 2010-ஆம் ஆண்டில் மட்டும் 25 ஆயிரம் பேர், மிதமிஞ்சி குளிர்பானம் அருந்தியதால் உயிரிழந்தது தெரியவந்துள்ளது''.
இதில் முதலிடத்தைப் பிடித்துள்ளது மெக்சிகோ; அங்கு அதிகளவில் குளிர்பானம் பருகிய 10 லட்சம் பேரில் 318 பேர் உயிரிழந்துள்ளனர் என கிரேக்க நாடு சமீபத்தில் நடத்திய ஆய்வில் தெரியவந்துள்ளதாக அந்த ஆய்வுக்குழுவின் இணை ஆசிரியர் கீதாஞ்சலி எம். சிங் தெரிவித்துள்ளார்.
ஆகவே, விலை உயர்ந்த அன்னிய நாட்டு குளிர்பானங்களை அருந்துவதை தவிர்த்து, மலிவு விலையில் கிடைக்கும் நம்மூர் குளிர்பானங்களான மோர், கம்மங்கூழ், இளநீர் போன்றவற்றை அருந்தியும், தர்பூசணி, வெள்ளரி, வாழைப்பழங்கள் போன்றவற்றைச் சாப்பிட்டும் உடலைக் குளிர்ச்சியாக்கி நீண்ட நாள் வாழலாமே...!

NSUI seizes gutkha from two shops

April 10: Members of the National Students’ Union of India (NSUI) today seized a substantial number of gutkha packets from two shops in Fancy Bazar.

The state government had issued a notification under the provisions of the Food Safety and Standards Act, 2006, banning the product for one year.

The NSUI activists, led by Assam state unit vice-president Arup Talukdar and Durlav Talukdar, who contested for the national delegate post, went to Fancy Bazar today and seized the gutkha packets.

City senior superintendent of police (SSP) Anand Prakash Tiwari personally rushed to the area to prevent any untoward incident.

Durlav Talukdar said the gutkha was being sold in packets of Rajanigandha paan masala. “We requested the police and other government officials who were present to keep a sharp eye on the shops in the city so that gutkha is not sold in any way.”

“One of the shops from where we seized the gutkha packets belonged to a BJP leader,” Durlav said.

Sources said gutkha is now also being sold in packets of spices. “Thanks to the ban, gutkha has now gone into the black market. Gutkha is now sold at much higher prices — up to Rs 5 per packet,” a source said.

NSUI members said they would continue anti-gutkha drives in the future to help make Assam a gutkha-free state. “We want the state to be gutka-free. Today, the SSP requested us to inform him through SMS if we come to know about any shop selling gutka,” Durlav said.

Food Safety Dept. News - Salem District



Dinamalar


பண்ணையாளர்கள் குப்பையில் வீசிய இறந்த கோழிகளை எடுத்து வந்து சில்லி சிக்கன் தயாரித்தவர் கைது



திருப்பூர், ஏப்.11:
திருப்பூரில் சுகாதாரத்துறை அதிகாரிகள் மற்றும் உணவு பாதுகாப்புத்துறை அதிகாரிகள் இணைந்து மேற்கொண்ட திடீர் சோதனையில் குப்பையில் வீசப்பட்ட இறந்த கோழிகளை எடுத்துவந்து சில்லி சிக்கன் தயாரித்தவர் கைது செய்யப்பட்டார். 200 கிலோ இறைச்சி பறிமுதல் செய்யப்பட்டன.
திருப்பூர் பல்லடம் ரோட்டில் பூம்புகார் நகர் பகுதியில் இறந்த கோழிகளை சில்லி சிக்கனாக தயாரித்து விற்பனை செய்து வருவதாக மாநகராட்சி அதிகாரிகளுக்கு ரகசிய தகவல் வந்தது. இதையடுத்து உணவு பாதுகாப்புத்துறை நிலைய அலுவலர் விஜய், உணவு பாதுகாப்புத்துறை அலுவலர் தங்கவேலு, மாநகர் நல அலுவலர் செல்வக்குமார், சுகாதாரத்துறை ஆய்வாளர்கள் முருகன், ராஜேந்திரன் ஆகியோர் சம்பவ இடத்தில் திடீர் ஆய்வு மேற்கொண்டனர்.
அப்போது, அங்கு ஒருவர் மூட்டையில் கட்டி வைக்கப்பட்டிருந்த இறந்த கோழிகளின் இறைச்சிகளை வெட்டும் பணியில் ஈடுபட்டிருந்தார். அவரை கையும் களவுமாக பிடித்த அதிகாரிகள், அவரிடமிருந்து சுமார் 200 கிலோ கோழி இறைச்சிகளை பறிமுதல் செய்தனர்.
விசாரணையில், அந்த நபர் உசிலம்பட்டியை சேர்ந்த பாண்டி (55) என்பதும், திருப்பூர் பூம்புகார் நகரில் வசித்துக்கொண்டு, பல்லடம் ரோடு தமிழ்நாடு தியேட்டர் அருகே தள்ளுவண்டியில், சில்லி சிக்கன் வியாபாரம் செய்து வருவதும், இதற்காக பல்லடம், பொங்கலுர் உள்ளிட்ட பகுதிகளில் உள்ள கோழிப்பண்ணைகளில் நோய் மற்றும் பல்வேறு காரணங்களால் இறந்து, குப்பை யில் வீசியெறியப்படும் கோழிகளை எடுத்து வந்து, சில்லி சிக்கன் வியாபாரம் செய்து வந்ததும் தெரிய வந்தது.
இதையடுத்து அந்த நபரை அதிகாரிகள் தெற்கு போலீசில் ஒப்படைத்தனர். போலீசார் அவரை கைது செய்தனர்
இதுகுறித்து அதிகாரிகள் கூறுகையில், கோழிப் பண்ணைகளில் நோயால் பாதிக்கப்பட்டு, வீசியெறியப்படும் இறந்த கோழிகளை இறைச்சியாக திருப்பூரில் சாலையோர சில்லி சிக்கன் கடைகள் பயன்படுத்தி வருகின்றன. இதற்கு தீர்வு காணும் வகையில், கலெக்டர் தலைமையில் கடந்த சில மாதங்களுக்கு முன்பு நடைபெற்ற கூட்டத்தில், பண்ணைகளில் நோய்வாய் பட்டு இறக்கும் கோழிகளை, மண்ணில் சுண்ணாம்பு போட்டு புதை க்க வேண்டும் என அறிறுத்தப்பட்டிருந்தது. ஆனால் பெரும்பாலான பண்ணையாளர்கள் இதை பின்பற்றாமல் இறக்கும் கோழிகளை வீசியெறிந்து விடுகின்றனர். இதுபோன்று செயல்படும் பண்ணையாளர்கள் மீதும் கடும் நடவடிக்கை எடுக்கப்படும் என்றனர்.